Kuzatuv obyekti (premyera)

Janrlar

Tavsif

Yolg'on va ikkiyuzlamachilar bilan to'la dunyoda yashash oson emas. Jinoyatlar soni yildan yilga ortib boryapti. Yolg'onchilar o'z qurbonlarini qo'lga tushirish uchun turli usullardan foydalanishadi. Hiyla-nayranglarga aldanib qolmaslik uchun aqlliroq, tezkor va ayyorroq bo'lish lozim. Film qahramoni bo'lgan qiz ham hayotidagi bunday burilishlarni kutmagan edi. U qotilning qurboniga aylanadimi? Qahramon qiz Su Xyon yangi uy sotib oladi va hayotini yaxshilashni rejalashtiradi. Qo'shimcha xarajatlardan qochish uchun qiz ishlatilgan kir yuvish mashinasini maxsus sayt orqali online sotib olishga qaror qiladi. Afsuski, xarid qizning umidlarini puchga chiqaradi. U g'azablanib, sotuv saytida "sotuvchi yolg'onchi va firibgar" deya sharh qoldiradi. Keyin ma'lum bo'lishicha, o'sha sotuvchi ashaddiy qotil ekan. U qurbonlarini jalb qilish uchun onlayn dasturdan foydalanadi. Sotuvga qo'yilgan buyumlarning egasi xavfli jinoyatchi bo'lib chiqishini kim ham o'ylabdi deysiz? Qotilning yangi qurboni - Su Xyon bo'ladi. Qiz qotilning changalidan qutulib, tirik qola oladimi? Hozirgacha hech bir qurbon qotildan qochib qutula olmagan edi. Ehtimol, qahramon qiz saytda qotil haqida izoh qoldirganidan ming marta afsuslanar...